Unser Skiclublied zum mitsingen – vorausgesetzt die Melodie sitzt!
Im Winter stönd mir all gern uf dä Schi
paar liebi Häsli hämmer au däbi.
mir fahred los und chömed schnäll in Schuss,
ja so nä Schituur isch än Gnuss.
Das gits ja nur bim Schiclub Wollerau,
mir mached Schwüng – und s’ Schätzli au.
Mir Händ bin eus au susch no mänge Gspass
und mached uf dä Schituur gern än Jass,
ein jedä wünscht sich d’ Händ voll Trümpf und Böck
vier Buure und däzue no d’ Stöck.
Das gits ja nur im Schiclub Wollerau,
mir mached Schwüng – und jassed au.
Vill Sunne und än tolle Pulverschnee,
das gfallt eus allnä, ja was wotsch no meh,
diä brune Gsicht, diä kännsch dänn nümme schier
und jedä Sturz – dä choscht äs Bier.
Das gits ja nur bim Schiclub Wollerau,
mir mached Schwüng – und fäschted au.